16.9.15

Адыгэ Республикэм ибэнакIоу ШъэоцIыкIу Рустам ятIонэрэ чIыпIэр къыхьыгъ


Урысые Федерацием дзюдомкIэ изэнэкъокъу Красноярскэ щыкIуагъ. Адыгэ Республикэм ибэнакIоу ШъэоцIыкIу Рустам купэу зыхэтыгъэм ятIонэрэ чIыпIэр къыщыдихыгъ, къетххы адыгэ макъэм. 

Джыракъые щапIугъэ Р. ШъэоцIыкIур килограмм 73-м нэс къэзыщэчырэмэ ябэныгъ. ПэшIорыгъэшъ зэIукIэгъухэм текIоныгъэр къащыдихыгъ. Дышъэ медалым фэгъэхьыгъэ бэнэгъур Рустам дэгъоу ригъэжьэгъагъ, ау Сыбыр къикIыгъэ спортсменым текIон ылъэкIыгъэп. Тыжьын медалыр ШъэоцIыкIу Рустам къыфагъэ­шъошагъ. 

Р. ШъэоцIыкIум иапэрэ тренерэгъэр Акъущ Мыхьамодэ, непэ ащ итренер Беданэкъо Рэмэзан.

No comments:

Post a Comment