Непэ цIыфэу дунаем тет пстэури зэпэблагъэ хъугъэ зэлъыIэсын технологиер лъэщэу зэрэхъугъэм пае. ТВхэр, Радиохэр, Телефонхэр, интернетыр ыкIи нэмыкIхэр. Мыхэр гъэшIэгъоныжьхэп ау гъэшIэгъоныр Европэм щыпсэурэ Адыгэхэм мыхэм ащащ зи зэрамыгъэфедэрэр ары.
ГущыIэм фэшI Адыгэу Адыгэ хэкум щыпсэухэрэм ыкIи Тыркуем, Иорданием, Сирием, Израил ащыпсэурэ Адыгэхэм мафэ къэс, сыхьат къэс пIоми хъунэу информацие амалхэр агъэфедэу якъэбар агъэIун алъэкIы. Сайтхэр, богхэр, зэхэгущыIэжь нэкIубгъохэр агъэлажьэ. Шъыпкъэ джыри мыхэр профисионалнэу мэлажьэхэрэп ау зэлъыIэсынхэ алъэкIы. МыдэкIэ Европэм исхэр ыкIи Америкэм исхэри ащ фэдэу ямакъэ къэIурэп, якъэбархэри икъоу тшIэхэрэп. Мыхэр зыщыпсэурэ хэгъэгухэр (Европэ + Америка) информациемкIэ нэмыкI хэгъэгухэм лъэщэу апэ ышIыгъэх ау тэ ти Адыгэхэу ащ щыпсэухэрэм ар агъэфедэрэп.
Европэм анахь макIэмэ Адыгэ мин 50 щэпсэу, хасэ 15 гори яI. Америкэм Адыгэ мин 10 щэпсэу, хасэ заули яI.
Сурэтыр: Европэм щыпсэурэ Адыгэхэм язэхахь. Ащ хэлэжьагъ Джем Оздамир. Германием ипарламент депутатэу хэт. Парти "уцышъохэм" ятхьэмат.
Гунэ нарт
No comments:
Post a Comment