Налъчик. Мэлылъфэгъум и 22, 2014
Мэлылъфэгъум и 21-м щегъэжьагъэу и 26-рэ нэс Къэбэртае-Бэлкъар къэралыгъо апшъэрэ еджапIэм иегъэжьэнкIэ Налъчик дунае Адыгэ ныбжьыкIэ зэIукIэ къыщекIокIыщт. КIо, зэIукIэм пшъэрылъ заулэ фашIыгъ, а зи къызыкIэмыкIырэ гущыIэ дахэхэр. Хэкумрэ хэхэсымрэ зэпхынгъэхэр тшIыщтых. Кулътурэр лъыдгъэкIотэщт.
Мы апшъэр еджапIэу зыфэтыIуагъэм мазитIу ипэкIэ мы зэIукIэм фэдэу, олимпиадэ джэгухэм атригъафэу нахьыжъ куп хэхэсым щыщэу Налъчик ылъэшъугъагъэх. КIо, Шъачэ олипиадэр зэрэдэгъур къаригъэIоным пае. Ыдж ныбжьыкIэ куп хэхэсым щыщэу джыри зэ елъэшъух, олипиадэм дэгъухэр Адыгэхэм къызэрафихьыгъэр къаригъэIонэу.
Мы апшъэрэ еджапIэм ыкIи ащ республикэр зиIыгъэу бгъодэтхэм хэхэсым щыщ Адыгэхэр делэ-Iулашъох къашIошIми сшIэрэп. КIо, мыхэм асыIонэу сызыфаер делэ-Iулашъоу шъукъытэмыплъ. ГъэпцIэным ыужь шъуикIи уда республикэм мыхъо-мышIэу илъхэр шъугъэтэрэзых.
ГущыIэм фэшI, мары Къэбэртае-Бэлъкъар республикэм мы аужьырэ илъэсипшъым щыхъугъэхэм ащыщхэр:
- Мин 3 ехъу Адыгэ цIыф, нахьыбэр кIалэ ныбжьыкIэу республикэм щаукIыгъэх.
- Мин 50 нахьыбэ Адыгэ цIыф, нахьыбэр ныбжьыкIэу республикэм ыкIыжьхи хэхьажьыгъэх.
- Илъэсищым къыкIоцI Сирие заом къыхэкIэу Адыгэ мин 15 а хэгъэгум ыкIыжьыгъэхэм ащыщэу 500 нахь макI неIэп республикэм ихьан зилъэкIыгъэр. Ахэри къин мыгъуаекIэ мэпсэух, IэпыIэгъуи арамытэу.
КIэкIэу къэтыIощтмэ мыщ фэдэ спектакылхэм аужь шъукIыжь.
Гунэ Нарт