Мэлылъфэъум и 25-м дунаем тет Адыгэ пстэуми Адыгэ ныпым имафэ хигъэунэфыкIыгъ.
Адыгэхэм мы мафэр зыхагъэунэфыкIэу заублагъэр 2010 илъэсыр ары. Мыгъэ 2014 илъэсым Адыгэ республикэм официалнэу хигъэунэфыкIэу ыублагъ. Мы мафэм фэгъэхьыгъэ унашъо республикэм ипарламент мыгъэ ыщтагъ ыкIи ащ мыщ фэдэ цIэ ритыгъ: "Адыгэ республикэм икъэралыгъо нып и маф".
Адыгеим ипарламент мы мафэм цIэу фишIыгъэм цIыфыбэ къезэгъырэп. Ахэм къызэраIорэмкIэ Адыгеим ит Адыгэ хасэм иегъэжьэнкIэ мы мафэр дунае хасэм зещтэм цIэу фашIыгъэр: "Адыгэ Ныпым и Маф", ащ пае Адыгеим ипарламент цIэр ащ фэдэу ышIын фэягъ.
КъэIогъэн фае, Адыгэ лъэпкъым илъэс мин пчъагъэ хъугъэу нып иI. Ащ зэхъокIыныгъэгорэхэр фэхъухэу къырикIуагъ. Мы аужьырэ нып уцIышъоу, жъуагъэ I2 тетэу, щабзыщ зытетыр I830 илъэсыр ары Адыгэхэм защтагъэр.
Сурэтхэр: Мыекъуапэ, 25.04.20I4
