15.4.14

Зао къызэрежьэ Адыгэ 1600 фэдиз хэкум къэкIожьыгъ

Сирие Адыгэхэм адэIэпырэ комитетхэу хэкум ыкIи хэхэсым щылажьэхэрэм къызэратыгъэмкIэ Сирие заор къызщежьагъэм щычIэдзагъэу непэ нэс Адыгэ нэбгрэ 12.000 нахьыбэ Сирием ыкIыжьхи нэмыкI хэгъэгухэм арихьагъэх.

Мыхэм ащыщэу нэбг 1600 фэдиз Адыгэ хэкум къэкIожьыгъ. Нэбгрэ 750 фэдиз Къэбэтае-Бэлкъар республикэм къэкIожьыгъ, нэбгрэ 600 фэдизрагъо Адыгэ республикэм къэкIожьыгъ, нэбгрэ 30 фэдиз Къэрэщай-Черкес республикэм къэкIожьыгъ. Краснодар шъолъырым 30 фэдиз къэкIожьыгъ. Тыркуем мин 6 нахьыбэ ыхьажьыгъ, Иорданием мин 4 фэдиз ыхьажьыгъ, 500 фэдиз нэмыкI хэгъэгухэм арихьэжьыгъ.