БлэкIыгъэ мазэм, мэкъуогъум и 27-м, Тыркуем щыIэ Адыгэ къэшъуакIо купэу "Эльбрус" (Iуашъхьэмаф) Стамбыл дэт кулътурэ гупчъэу Назим Хьикмэт зыфиIорэм концертышхо къыщитыгъ. цIыф шъэ заулэ концертым еплъынэу къэкIуагъэх. Джащ фэдэу къыщатхы Анкъарэ Адыгэ хасэ исайт cerkes.org.tr.
Концертыр рамыгъажьэзэ хасэу Кавказ-Федерацием итхьэматэ Асланкая Яшарырэ Анкъарэ Адыгэ хасэ итхьэматэ Къодзыкъо Иналрэ къэгущыIагъэх. Ытанэ концертыр рагъэжьагъ. Эльбрус икIэлэцIыкIу къэшъуакIо купи концертым къыхэлэжьагъэх. СихьатитIум ехъу концертыр кIуагъэ ытIанэ, кIэухым Кавказ-Федерацием итхьэматэрэ Анкъарэ Адыгэ хасэм итхьэматэрэ гъэшIуагъэ тхылъхэр Эльбрусым ипащэхэм арытыгъэх.
КъэIогъэн фае, Стамбыл Адыгэу щыпсэхэрэм япчъагъэ гъэнэфагъэу щыIэп ау ащ Адыгэ хасэу щыIэхэм милион ныкъо фэдиз щыпсэоу алъытэ. Адыгэ хасэ ыкIи Адыгэ зэхэт купхэу 30 фэдиз Стамбыл щэлажьэх.
No comments:
Post a Comment