Мыекъуапэ щапIугъэ Натхъо Амир Испанием ифутбол командэ цIэрыIоу «Барселонэм» аштагъ. Илъэсищэ хэтынэу зэзэгъыныгъэм кIэтхагъ,- къетхы гъэзетэу адыгэ макъ.
Илъэсихым итэу Натхъо Амир Адыгэ Республикэм футболымкIэ икIэлэцIыкIу-ныбжьыкIэ спорт еджапIэ зыщигъасэу ыублагъ. Александр Пахомкиныр иапэрэ тренер-кIэлэегъадж. ФутболымкIэ академиеу Тольятти дэтым илъэситIо зыщигъэсагъ. Гупчэм ар щешIэ, къэлапчъэм Iэгуаор бэрэ дедзэ.
Натхъо Амир «Рубин» Казань рагъэблагъи, зэлъашIэрэ футболистэу, Израиль ит адыгэ къуаджэу Кфар-Камэ щапIугъэ Натхъо Бибарс игъусэу зэнэкъокъухэм зафигъэхьазырэу уахътэ къыхэкIыгъ. А. Натхъор мыекъопэ «Зэкъошныгъэм» щешIагъ, иIэпэIэсэныгъэ хигъэхъонымкIэ ятэу Натхъо Адам IэпыIэгъу фэхъущтыгъэмэ ащыщ.
Мыекъуапэ иеджапIэхэу N 11-м ыкIи N 2-м А. Натхъор якIэлэеджакIоу щытыгъ. Адыгэ къэралыгъо университетым июридическэ факультет иапэрэ курс къыухыгъ.
Амир спортыр шIу зыщалъэгъурэ унагъом щагъэсагъ, ятэу Адамэ «Кубань» Краснодар, «Зэкъошныгъ» Мыекъуапэ футбол дэгъоу ащешIагъ.
Натхъо Адам
No comments:
Post a Comment