ЖъоныгъуакIэм и 10-м къалэу Краснодар дэт щхапIэм чIэс Адыгэхэм къатебэнэгъагъэ фащистхэм ащыщэу нэбгрэ 17 Краснодар полицием ыубытыгъ. Мыхэм ащыщэу нэбгрэ 11 хьапсым чIагъэтIысхьагъ адрэхэр яунэхэм къаримыкIыхэу ысыщтых суд ашIыхэфэ нэс. Джащ фэдэу къетхы ИА Кавказ Узыл.
Шъугу къэтэгъэкIыжьы, фащистхэр къызтебэнагъэхэм ахэтыгъагъ Пэнэжъыкъуае щыщ Адыгэ кIалэу Iэшъынэ Темур. Ар къызеохэ мафэм нэужьы, мафиплIыкIэ, жъоныгъуакIэм и 14-м дунаем ехыжьыгъ. фащистхэм утэу къырахыгъэм Темур арилIыкIыгъ. Мы хъугъэ-шIагъэм къыхэкIэу Темур икъуаджэу Пэныжъыкъуай ыкIи Адыгэ къалэ ащыщ кIалэхэр жъоныгъуакIэм и 15-м къызэрэугъоихи Краснодар гъогу дахьапIэр сыхььат заулэ, чэщныкъом нэс зэфашIыгъагъ ыкIи мырэзэныгъэ зэхахьэ щашIыгъагъ.
КъэIогъэн фае, апэрэ мафэм щегъэжьагъэу непэ нэс Краснодар полицием мы хъугъэ шIагъэр лъэпкъ зэфэщытыкIэхэм къыхэкIыгъэу ылъытэрэп, ар криминал Iофым епхыгъэу елъытэ ау Адыгэ активистхэм зэралъытэрэмкIэ мыр лъэпкъ зэфэщытыкIэхэм апхыгъэу алъытэ ыкIи фащист купхэр ыгъэуцунхэу Урысием ихьыкумэт дэлажьэрэп аIо.
Мы Iофым ехьылIагъэу мыхэр ары къэттхыгъагъэхэр:
No comments:
Post a Comment