Адыгэ Iофым пылъ Адыгэ кIалэхэм интернетымкIэ къыщызэратхырэмкIэ Сирие заом къинмыгъуаекIэ къыхэкIыжьыхи хэкум (Къэбэртае-Бэлкъар республикэ) къэзыгъэзэжьыгъэ нэбгрэ 20-м Урысие-Федерацием щыпсэунэхэу визэу аIыгъэхэр лъагъэкIотэнэу тхьылъ лъэIоу чIалъхьагъэхэр Къэбэртае-Бэлкъарым ихьыкумэт къаблэ ышIыгъэхэп. Джащ фэдэу джыри къэзыгъэзэжьыгъэ нэбгрэ 80 фэдиз тхылъ лъэIоу чIалъхьагъэхэм джыри джэуап къаратыжьыгъэп. Мы нэбрэ 80 явизэхэр лъамыгъэкIотэнэу джауап къаратыжьыныр ит, къаIо Адыгэ Iофым пылъ кIалэхэм.
Мы къэзыгъэзэжьыгъэ нэбгришъэр Налчик дэт гъэпсэфыпIэу (санатори) Элъбрус зыфиIорэм чIэсыгъэх. Мазэ ипэкIэ ахэр Элъбрусым къычIагъэкIыжьыгъэх. Зы куп нэмыкI гъэпсэфыпIэгорэм чIагъэтIысхьагъ, зы купым унэхэр къаубытыгъ, зы купым якъощхэ зычIэс унэхэм ахэтIысхьагъэх.
Джащ фэдэу заом къыхэкIыжьыгъэ Адыгэхэр хэкум щыпсэунхэу чIыпIэ Къэбэртае-Бэлъкъарым ихьыкумэт къафигъотырэп. Ар хэхыжьи визэхэр афригъэкIуатэхэрэп. Мы Iофыр мыщ фэдэу кIощтмэ къэзыгъэзэжьыгъэ нэбгри 100-р хэкум икIыжьын фаеу хъущт. АдыгэхэмкIэ напэ тиIэмэ мыщ фэдэу Урысием ихьыкумэт ыкIи республикэхэм яхьыкумэтхэр къэзыгъэзэжьыгъэхэм къызэрадезакIохэрэр афэтыдэнэу щытэп ыкIи тапэуцожьынэу щыт.
ТIуапсэ Пресс
No comments:
Post a Comment