16.6.14

КъэшъокIо купэу Ал-Ахли къалэу Джаращ концерт къыщитыщт

Мэкъуогъум и 24-м, 2014, сыхьатэ 20:30, Иорданием щыIэ Адыгэ къэшъокIо купэу Ал-Ахли зыфиIорэм къалэу Джаращ Адыгэ концерт къыщитыщт. Илъэс къэс Джаращ мэкъуогъу мазэм къашъо ыкIи орэд фистивал ин къыщекIокIы. Ащ зэфэшъхьэф хэгъэгухэм ащыщ купхэр хэлажьэх.

Иорданием нахь гъэсагъэхэу Адыгэ къэшъокIо купэу 2 щыI, Ал-Ахли ыкIи Алджил-Алджадид. Мыхэр официалнэу клубэу тхыгъэх, унэхэри зызщыбгъэсэщт чIыпIэхэри яIэх. Илъэс къэс мытIум яз Джаращ фистивалым хэлажьэ.

КъэIогъэн фае, Адыгэхэр Иорданием зехьэхэм апэу зыдэтIысхьагъэмэ ащыщ къалэу Джаращ. Непэ ащ Адыгэ мин заулэ щэпсэу.