11.6.14

Сирие Иордание Израил щыIэ Адыгэ къуаджэхэр

Сирие

Сирием Адыгэ мин 120 нахьыбэ щэпсэоу алъытэ. Нахьыбэу Адыгэхэр зыщыпсэухэрэр къалэу Дамаск, Хьумс, Алепо ыкIи Адыгэ къуаджэу щыIэхэр.

ИпэкIэ Сирием Адыгэхэм къуаджэ 30 фэдиз агъэтIысыгъагъ. Израил Сирием  Джолан чIыгур зещтэм, ащ Адыгэ къуаджэ I4 щыIагъэр агъэкIощыхи къалэу Дамаск дэтIысхьэгъагъэх. Дамаск Адыгэ квртал заулэ дэт, Кисва, Барзэ, Къудсие ыкIи нэмыкIхэр. Непэ Сирием Адыгэ къуаджэ пIонэу 14 фэдиз къэнагъ ахэр:

Къалэу Хьумс пэбагъэу Iусхэр:
Таламри 
Аен-нисир
Талснан
Асила
Дерфул
Тлил
Мредж-др
Абухамам

Къалэу Дамаск пэблагъэу Iусхэр:
Мардж-Султан
Бир-Аджам
Брекъа
Мударие

Къалэу Алепо пэблагъэу Iусхэр:
Хъанасир
Монбудж (Арап къэлэцIыкIоу хъужьыгъ)

Иордание

ЗэралъытэрэмкIэ непэ Иорданием Адыгэ мин 80 фэдиз щэпсэу. Ахэр нахьыбэу зыщыпсэухэрэр къалэу Амман.

ИпэкIэ Иорданием чIыпIэ I0 фэдиз Адыгэхэм къуаджэхэр агъэтIысыгъагъ. Ахэм Арапхэр къадэтIысхьи къалэу хъужьыгъэх. Ахэм нахь къыхэдгъэщын тлъэкIыщт Амман хэхьэжьыгъэ Адыгэ къуаджэхэр:
Уади-сир
Свелихь
НаIур

Израил

Израил Адыгэ мин 5 фэдиз щэпсэу. ИпэкIэ чIыпIэ 3 фэдиз щытIысыгъагъэх. Кисарие зыфиIорэ къуаджэм узхэм къыхэкIэу дэкIыжьыгъагъэх. 
Непэ Адыгэ къуаджитIу Израил ит:
Кфар-Кама
Рихьание

КъэIогъэн фае, Мы аужьырэ илъэс 3-м Сирие заом къыхэкIэу ащ Адыгэ мин 15 ыкIыхи нэмыкI хэгъэгухэм арытIысхьагъ. Адыгэ хэкум мин 2 нахь макI къырагъэхьагъэр Адрхэр нахьыбэу зыдэкIуагъэхэр Тыркуемрэ Иорданиемрэ. Адыгэ къуаджэхэм ащыщхэми цIыфбэ адэкIыгъ ау джыри купхэр къадэнагъэу щэпсэух.