Адыгэ республикэм щыщ Адыгэ кIалэу Iэшъынэ Темур Урыс фащистхэм зэраукIыгъэм къыхэкIэу Израил щыпсэурэ Адыгэ ныбжьыкIэхэм яегъэжьэкIэ жъоныгъуакIэм и 19-м Израил ит Адыгэ къуаджэу Кфар-Кама мырэзэныгъэ-зэхахьэ щыкIощт.
НыбжьыкIэхэм къызэраIуагъэмкIэ Израил щыпсэурэ Адыгэхэр Адыгэ хэкум зэрэлъыплъэхэрэр, зэрэкъотхэр ыкIи Краснодар къыщыхъугъэм зэрэфэмыразэхэр Урысием ыкIи дунаем рагъэлъэгъунэу ары. Мы зэхахьэм фэгъэхьыгъэу макъэ-гъэIу тхыгъэ интернетым къырагъэуцуагъ. Ащ зэритымкIэ Кфар-Кама дэт Адыгэ музием ипашъхьэ, сыхьатэ 19.00 мырэзэныгъэ зэхахьэр рагъэжьэщт.
КъэIогъэн фае, хэхэсымкIэ Израил щыпсэурэ Адыгэхэр Адыгэ хэкум анахь епхыгъэхэм ахэт. Ахэм ащыщэу илъэс къэс 150 нахьыбэ хэкум заплъэхьынэу къакIох. Израил Адыгэ 4500 фэдиз щэпсэу. Ахэр Адыгэ къуаджитIоу Кфар-Камэрэ Рихьаниемрэ щэпсэух.
No comments:
Post a Comment