Краснодар фащистхэр зеуагъэхэм ащыщ Адыгэ кIалэ дунаем ехыжьыгъ

ЖъоныгъуакIэм и 14, 2014

Краснодар Урыс фащистхэр зеуагъэхэм ащыщ Адыгэ кIалэ, Iэшъынэ Темур жъоныгъуакIэм и 14-м дунаем ехыжьыгъ. Ар фащистхэм рахыгъэ утым ылIыкIыгъ. 

Адыгэ къалэ дэт смэджэщым щылажьэрэ докторхэм чэщныкъом Темур игу къэуцуи дунаем ехыжьыгъ къаIуагъ. Джащ фэдэу къиIотагъ темур ищыпхъу Iэщынэ Рузанэ. Неущ жъоныгъуакIэм и 15-м Темур зыщыщ Адыгэ къуаджэу Пэнэжъыкъуай щычIалъхьэжьыщт.

Щъугу къэтэгъэкIыжьы, жъоныгъуакIэм и 10-м чэщым нэбг 40 фэдиз хъурэ Урыс фащистхэр Адыгэ кIалэхэр зычIэс щхапIэм къычIэлъадэхи къауагъэх. Нэбг 8 утхэр рахыгъ. Ахэм ащыщэу Iэшъынэ Темур иIофхэр дэеу Краснодар смэджэщым ахьыгъ ау смэджэщыр зигъэзакIохэрэм Темур чIагъэгъолъхьэнэу адагъэп, Адыгеим щыщхэм теIазэрэп аIуагъ. ЫтIанэ Темур Адыгэ къалэ дэт смэджэщым къахьыгъагъ. Мы къэбарым щыщгорэхэр ИА kp.ru ытхыгъэм къыхэтхыгъ.