Краснодар Урыс фащистхэр Адыгэхэм къызэрауагъэхэм фэгъэхьыгъэу Урысием ыIки Краснодар къуапэ щылажьэрэ гъазет-СМИ-хэр нэрылъэгъоу пцIы аусы. Ахэм къызэратхырэмкIэ Краснодар дэт щхапIэм кIалэ куп щызэзэуагъэу ыкIи ащ къыхэкIэу зыкIалэ дунаем ехыжьыгъу къатхы (Iэшъынэ Темур).
Мы хъугъэ шIагъэм ехьылIагъэу а пчъыхьэдэдэм видео интернетым къырагъэуцуагъ (лайф-нюз). Ащ уеплъымэ нафэу къэлъагъо кIалэ куп зэрэзэмызэуагъэр. ЩхапIэр шъэфэу зэрэщытыр къэлъагъо, ошIэ-дэмышIэу цIыф куп, 30 нахьыбэ хъухэу, нэпэтелъхэр ателъэу, бэщтэкъэжъхэр аIыгъэу щхапIэм псынкIэу чIэлъадэхи, чIэсхэм аох ытIанэ ахэр псынкIэу IокIыжьых.
Урысием ихьыкумэт цIыф зэхэдз политикэу зэрифэрэм фэдэу Урыс гъазета-СМИ-хэр мэзакIох. Мыщ нахь гъэшIэгъон Адыгэ республикэхэм я гъазета-СМИ-хэр мы Iофым ехьылIагъэу зи къызэрамытхырэр. Зыгорэ къатхыгъэми зы шъыпкъэ хэмылъэу къатхы.
Мы аужьырэ илъэсым Урысие хьыкумэтым нэрылъэгъоу ыкIи шъхьэихыгъэу Адыгэхэм Iаеу къабэны. Мазэ заулэ ипэкIэ Сирием щыщ Адыгэ студентыщ хэкум къырагъэхьагъэхэп. Къэбэтаем, Черкесием ыкIи Адыгеем щыщ Адыгэ кIалэу лъэпкъ Iофым дэлажьэхэу нэбг 8 аубытгъагъ. Къэбэртаем щыщ Адыгэ кIалэ нэбг 30 аубытгъагъ, ахэм ащыщэу нэбг 2-м утхэр рахыгъагъ. Адыгеим щыщ ихэку къэзыгъэзэжьыгъэ нэбг 5 аубытгъагъ. Ыдж мары мы тхьэмафэм къэхъугъэр. Адыгэ кIалэу Iэшъынэ Темур, лажьэ имыIэу фащистхэр къытебанэхи аукIыгъ.
Мы хъугъэ шIагъэр ыкIи ащ ипэкIэ хъугъэхэр Iоф къызэрыкIоу щытхэп. Джыри нахь дэйхэр къэмыхъугъэу Урысием политикэу къырифэкIырэм зэрэдэзекIощтхэр агъэпсынэу джырэблагъэ хэкум ыкIи хэхэсым щыщ Адыгэхэр зэгъусэхэу зэфэс ин ашIынэу пшъэрылъ ателъ.
No comments:
Post a Comment