Къэрэщай-Черкес республикэм щылажьэрэ движениеу «НыбжьыкIэ Адыгэ Хасэм» республикэм къэкIожьыгъэ Адыгэ репатриантхэм IэпыIэгъу афэхъунхэу тхылъкIэ зафигъазагъ, республикэм щыIэ Адыгэ районхэм ыкIи Адыгэ къуаджэхэм.
Джащ фэдэу къетъы информацие агенствэу «Кавказ Узел».Тхылъэу афагъэхьыгъэр «НыбжьыкIэ Адыгэ Хасэм» и хэсашъхьэ тыгъэгъазэм и 6-м къалэу Черкеск зэIукIэу щриIагъэм щащтагъ. Ар Адыгэ-Хьаблэ районым итхьэматэ, Хабез районым итхьэматэ ыкIи Адыгэ къуаджэхэм ятхьэматэхэм афагъэхьыгъэх. Ащ нэмык1эу хэсашъхьэм изэIукIэ Сирие Адыгэхэм ехьылIагъэу Адыгэ лъэпкъ зэфэс джырэблагъэ республикэм къыщырагъэкIокIынэу щащтагъ.
Непэ нэс нэбг 30 фэдиз Сирием къикIыжьхи Къэрэщай-Черкес республикэм къэкIожьыгъэх. Ахэм «Адыгэ Хасэмрэ» «НыбжьыкIэ Адыгэ Хасэмрэ» IэпыIэгъу афэхъух.